XX. mendeko Euskararen Corpus estatistikoa

Testuingurua

Aste honetan Euskal disko eta liburu azoka Hondarribian

Hondarribiako Amuitzak eta A.E.K.-k antolaturiko euskal liburu eta diska azokari joan den larunbatean hasiera eman zitzaion S. Pedro kalean eta bertan egongo da hurrengo 20ra arte, honen ordutegia arratsaldeko 6etatik 9etara izanik.

Antolatzaileak honen berri ematean, azokari hurbiltzera jende guztiari honela gonbidatzen dute kartelak ikusi badituzue mintzatzeaz aparte, irakurtzeaz eta idazteaz ere arduratu beharko genuke.

Hortarako eta batez ere Euskara aurrera ateratzeko nahi eta behar duzuen materiala aurkituko duzue goian aipatutako Azokan, agertuko zaretelakoan agurtzen zaituztegu.

Azkenik, euskararekiko aipamen ezaguna ere talde antolatzaileek aipatu egiten dute Gandiagaren poemak dioena, nolabait azokaren helburua edota esanahia adierazteko; hauxe hain zuzen Hemen / euskaraz ez dakienak / berak jakingo du / zergatik ez dakien.

Bainan hemen euskaraz ez dakienak / ez digu uzten / euskaraz egiten.

Bainan eta hemen euskaraz jakin arren / euskaraz mintzatzen / ez denak ere / ez digu uzten / euskaraz egiten.